Milupad napod ang akong huna-huna
Sa kada higayong dili ka makita
Buot abton ang imong tugkaran
Diin ikaw nag-alip, nagpakaon
Sa imong hayupan
Nga kaniadto mo pa giatiman.
Milukot sa tago ang kakulba
Sa akong tinguha
Ug nidunghay ang singot
Sa akong kalawasan
Dihang giuyog
Sa imong handurawan
Sa pobre kong galamhan.
Nganong mag-antos paman
Nganong dili na malang
Mulupad sa kina-uyokan
Sa kagahapon nga atong gitaguan
Mga panid sa atong istorya
Sa pinuy-anan
Sa duha nato ka gugma.
