Gawasnong Gugma

Tanang gugma adunay tanghaga
Tanghagang usahay dili nato makita
Susama sa akong gugma ngadto sa akong bana
Gawasnong panghinaot sa usa ka timawa

Dili man kini perpekto sa mata sa tawo
Gikinahanglan tan-awn mo kini nga usa ka kibido
Sa sinugdanan palang,
Aduna nay dakong deperensiya
Mga higayong sa uban dili ordinaryo nga gugma

Kay unsa man gyod diay ang gugma?
Ikaw aduna nabay hubad ug kahulugan niini?
Unsa ba gyod diay kini?
Nganong daghan mubabag ug daghang mudili?
Dili ba diay ang gugma kagawasan?

Kini mao ang hubad nako sa akong gugma
Gugma nako ngadto sa akong bana
Dili lalim ang muharong sa dakong balud sa katawhan
Batukan lang ang ilang pagdili ug pagbabag
Sa giingon nilang gugmang way kagawasan

Apan duna silay mata nga mahusgahon
Mata nga wala mubati ug musabot
Sa among pagka matinud-anon
Wala nila hisabti nga ang among gugma gawasnon
Gawasnon bisan luyo sa paggapos
Sa idolohiya ug prinsipyo sa katawhan

Apan walay angay nga kahadlukan
Pinisik lang kini sa dakong gugma
Sa tawo nga nako, nimo ug niya
Dakong gugma nga adam ug tagana
Sa tanang posibling mahitabo
Bisan pa ang kamatayon sa kalbaryo

Gawasnon nga gugma
Gawasnon ug walay pagduha-duha
Walay gikawid-an
Sungasungon ang tanan
Kini ang akong gugma
Gugma nga akong gihalad
Sa tawong akong ubanan
Sa kapait ug himaya

I'm A gaga

Hastang buanga
Ganina sa akong pag-inusara
Nakit-an nako ang pulong nga 'gaga'
Ug maoy akong katingala
Kai ang pasabot niini sa Iningles
Buang...

Ka wa ko magtuo
Usa ka bisayang dako
Termino pod diay sa mga Amerkano
Maong walay pagduha-duha
Ang maong pulong pwerting kuyawa

Tingale nanagsabot kaniadto
Ang mga Bisaya ug ang mga Amerkano
Nga 'gaga' ang tawag sa mga buangon ug ulo
Ug tingali pwede na pod natong maimbinto
Ang sentence nga:
I'm too gaga for you.

Gitugnaw

Kamingaw sa akong adlaw
Sa akong cubicle ako nagtan-aw tan-aw
Sa nga way hinungdang pulong
Nga estranghero sa akong panan-aw

Dili diay lalim ang kakapoy
Sa tawong walay lingaw
Mga plano ug pangandoy
Ang kanunay nga mahanduraw

Maayo nalang naa ang akong kaunan
Ballpen ug notebook
Nga sarang ka maabi-abihon
Nga bisan sa kaduka
Mapugwat ang akong mata
Sa matagkulit sa letra
Labi na sa ngalan mo
Akong pinangga.

Hahaha-haha!!!
Ayaw lang gyud katingala
Balaknon na kaayo ang imong hinigugma
Gitugnaw ra na siya.

Asawang Nagpalayo

Kapaet ug kalisod ang mangita ug trabaho
Mag-antos kang maglabad ang ulo
Ilabi na kung di makita nimo
Imong bana ug anak
Pilit antuson mo.

Apan ipa-unsa mo man
Ingon niini ang magpuyo ning kalibutan
Kasakit ug kalipay,
Dawaton ang tanan
Bisan pa ug imong pamilya
Dili nimo ika-uban

Maayo lang unta ug kalipay ang katapusan
Ug ang mga pangandoy matuman
Bisag paet kay sige nalang
Bisag lisod,
Ok lang.
Kai maantos paman.