Cancainap

Akong pinalangang Cancainap
Daw paraiso, himaya sa akong pagka ako

Iyang ginhawa daw kahumot
Sa ginhawa sa usa ka puya
Presko, bugnaw
Nga muhatag katin-awan sa paghigugma
sa kanhi na-andang pinuy-anan

Sa akong lunsay nga panghuna-huna
Dili ko ibaylo sa ubang maanindot
nga natad ang akong nahimutangan

Dinhi ako nabuhi,
dinhi ako nagmalipayon,
dinhi akong gitukod ang akong payag
dinhi akong gilig-on ang akong gamayng komonidad

Siya nga baryo sa Cancainap
ang buot kong musaksi
sa akong mga kada-ugan
sa umaabot kong pakiglayog
sa kinabuhing ako unyang puy-an.

Baktin sa Despersal

Akong dakong kalipay
Niadtong mihagad kanimo
Ang baranggay kagawad
Sa Cancainap.

Si Tiya Odik
Nga Mommy ang akong tawag
Gustong muhatag kanato
Sa prebilihiyong mubuhi
Ug baktin nga despersal.

Gusto kong mubalibad
Gusto kong mubabag
Nahadlok sa obligasyon
Sa kamahal sapaka-on.

Apan ikaw miangkon
Andam ug tagana
Nga mo buhi sa bisan unsa
Maglisod man, namahala ka.

Buot nimog tinguha
Ang mutabang sa atong ugma
Maayo nalang maka-anay
Ug ang mga baktin mabaligya.

Muabot ang panahon
Panghinaot nga kaayuhan ang maangkon
Sa Derpersal nga baktin
Nga sa baranggay gibahin-bahin.

Ang Balay sa Bungtod

Bati,
Guba,
Tulo ug
Gabok na.

Layo,
Mingaw,
Taliwala
Sa kamaisan pa.

Karaan,
Kabilin,
Sa kanhi mong
Katigulangan.

Mahimong
Puluy-anan
Sa umaabot mo
Ug kaugmaon.

Bisan pa
Ako mukuyog
Sa imong payag
Sa bungtod
Sa Cancainap.

Ikalipay ko
Antuson
Mga kasakit
Buntugon.

Didto
Atong buhion
Ug tukuron
Ang pamilyang
Lig-on.

Inting Kong Gamay

Ang Inting kong gamay
Sa iyang papa gisapnay kanunay
Bisan sa kalisod sa kahimtang
Wala gyod gipasagdan
Pamahaw, pani-udto ug panihapon
Kan-on ug utan ang gisaligan intawon
Maayo nalang sad
Kay pwerti nang mahala
Ang gatas nga gitutoy niya.
Ug wala ko mahayi
Nga iyang papa
Akong gipabantay niya
Kay sa yaya
Nga magdangag lang
Ug dili maatiman ug maayo siya.
Karon ang Inting kong gamay
Kusog nang mudagan
Usahay dili na nimo mapugngan
Ang simbahan sa Argao
Iya na tanan
Malukop ug tuyok
Ug si bisan kinsa gikataw-an.
Ang ako lang gikalibgan
Karon musulti na siya
Bisan dili nimo masabtan
Kalipay nako ang tanan
Matag pulong nga mugawas sa iyang baba
Gitik sa akong galamhan
Apan ang nakadaot lang
Mama ang tawag niya sa iyang amahan.

Ang Akong Inting

Inting nakong pinalangga
Sa 'Dunkin' kitang duha unang nagkita
Diadtong higayuna
Kataw-anan pa kaayo ka
Lalag nimong T-shirt 'Levi's' nga gikan ug 'China'
Purol mong itom
Pwerte nang kara-ana
Niingon ka
Okay-okay pato
Gipalit mo
Kang 'Nong Anghel' pa
Ang uban-uban nimo sa una
Pagkang buanga
Imong aura pwerting bataa
Walay nasayran kabahin sa bistida
Tingale kauban mo kanunay
Ang imo rang kanding ug baka.
Karon pwerte na nimong gwapuha
Usahay makapungot
Kay pwerting asyusuha
Dili naka musul-ob ug dili 'Natasha',
'MSE', o kaha sa 'Ever Belina'
Gara naka kung musimba
Kung mupahumot ka
Musk nga mahal sa 'Avon' pa
Karsones mo 'Freego' nga angayan ka kaayo
'Semi-skinny' kay mao kuno ang uso
Paet lang usahay mugawas imong ka garboso
Sa kausaban nimong dako na kaayo.
Ang Inting nga ignorante kaniadto
Karon mat-an na kaayo.

Hait Kaayo

Matag karon ug unya
Gibaid nimo
Ang imong sanggot
Gusto nimong pirming hait
Kay sa ubod sa saging imo kining ialip.
Kalipay nimo
Ang kahayahay sa mataghandos ug bira
Sa sangot mong pwerting haita.
Apan sa gusto nimong madali
Paghandos mong daw kilat sakadali.
Ug sa kalit ka niagunto
Sa kasakit ikaw miagulo
Niluko sa paghulbot nimo
Sa sangot nga sa balani gialip mo
Nasayop ka
Nasayop ka
Imong natigbas imong kumingking sa wala
Nga diryot maputol ug nalaknit pa
Kay naabis
Sa sanggot nimong pwerting haita.

Sekreto Para Bibo

Dako nakong katawa
Dihang sa balak nimo ako nakabasa
Katingalahan kung matawag ta
Klase-klase ang iyang istorya.
Usahay hamubo
Usahay may gitas-on
Apan bisan hain niadto
Bus-ok kung imong tugkaron.

It Scares Me

It Scares Me

Oh marriage scares me~
It's a hardwork
And a serious business

It's not just becoming roommates,
It's becoming soul mates.
It's not just signing a license,
It's sharing a life.

Taking the vow seriously
Is no going back.
There's only the future
Unlimited and unknowable.

And the promise makes the journey
Together and forever happy.

Now I'm asking myself if I'm ready,
For it's not a food that you eat
That when you don't like it
You can throw it away.

There's no trial and error,
There's always second chance.

Oh, now I wonder how,
My marriage is my vow,
It scares me badly, somehow.

Hulagway sa Kaminyuon

Hulagway sa Kaminyuon

Ang mga batan-on karon

Kung musulod ug kaminyuon

Dili susama sa ilang ginikanan

Niadtong unang panhon.

Ang panlantaw adunay kausaban

Panagbingi sa kadaiyang kagustuhan

Nga muresulta sa pangbuwag

Ug pagbasol ang kadaghanan.

Nahinumdom lang ko sa akong ginikanan

Hangtod karon sila malipayong nanag-uban

Nadawat ang tagsa-tagsa

Gihigugma bisan ang ilang mga deperensya.

Ambot lang ang mga kabatan-unan karon

Kung sa ilang pagpuyo matigayon

Diin wala nay laing importansya

Kundi ang trabaho ug ang kwarta.

Sukad lang nahimong abanti ang kultura

Ug tawo nigamit sa kabag-uhang teknologiya

Ang huna-huna niini nagmausabon na

Gamayng problema?

Ang kaminyuon panagbuwag ang resulta.

Unsaon nalang ang ugma sa mga batan-on

Kung ingon niini kahuyang ang kaminyuon

Gamayng kasakit lang ang bation?

Dakong unos ang posibling maangkon.

Paet kining palandungon

Dili ba diay pweding balikon

Ang kanhing simbolo sa kaminyuon

Diin gugma ug pagsinabtanay

Ang makita sa manag magtiayon.

balak

KANUS-A

Kanus-a nahimong ginapos ang gugma?
Kanus-a nahimong pag-antos ang gugma?
Kanus-a nahimong kasakit ang gugma?
Kanus-a nahimong kahakog ang gugma?

Bisan si kinsa ang imong pangutan-on
Bisan si kinsa ang imong kunsultaon
Tanang tarong nga tawo
Mituo nga ang gugma usa ka makatarunganon

Usa ka natural na pagbati
Nga walay katungod sa paggapos sa hinigugma
Usa ka panulundon
Nga sa tanang higayon gikalipay niya
Ang presensiya sa iyang hinigugma
Ug andam nga muhatag bisan unsang orasa

Kada tawo nga nag-angkon ug gugma
Kagawasan ug pagmaya ang naa kaniya
Ug dili kapaet, kasakit ug kahadlok sa iyang hinigugma
Kay ang matuod nga gugma
Mao kadtong walay katapusan bisan
Ang edad dili basihanan.

Ang Akong Istorya

Sulod sa 32 ka tuig nga pagpuyo nako niining kalibutana, pipila lang ang higayon nga gibati ko ang importansya. Tanang tawo sa akong palibot duna silay mga problema. Ug sa akong kabatan-on, gisuwayan ko kini pagsabot ug pagkat-on sa kada problema ug pagsuway nga akong naangkon. Dunay mga higayong nga kangit-ngit ang akong nakita. Sa dalang nga akong gisubay sa matag karon ug unya. Apan ni gamayng pagbasol wala ko ni batia. Dili ko buot mo pasangil ni bisan kinsa nila. Ang pagtuo ug pagsalig lang maoy gihimo kong iwag sa kangitngit nga ako usahayng mabati.

Dili lalim ang mubarog sa kaugalingon. Dili dali ang paghimo sa matarong. Daghan ang tintasyon. Usahay maanindot kini kung imong tan-awon. Dili malikayang mupaundayon ka ug maglunang sa imong gituhuang matarong. Apan wala ako gipakataw nga buta. Sa akong pagpakatawo nabatunan ko ang konsensya ug katarong. Dili ko buot nga sa dayon magpabiling mabudhion. Ug sa sala magpadayon.

Niabot usab sa akong inabuhi ang nabutaan ko sa gugma. Mikuyog ko sa tawong kanako mipakita ug importansya. Sa tawong midila kanako sa kaanindot sa kalibutan. Sa kaanyag sa matag higayon nga siya gika-uban. Sa tawong gahatag nako sa sanga nga wala ko dahuma nga maangkon. Ang anak kong lalaki nga karon maoy nahimo kong inspirasyon sa matag buhat ko ug plano ug sa matag lakang ko sa among kaugmaon.

Ang kaugmaon nako karon, ako kining maangkon dili lang para sa akong mga damgo. Karon ako na kining gipaningkamutan tungod sa akong anak ug iyang kaugmaon.

Ulan

Usa ka adlaw niana
Tulo na katuig ang milabay
Nanuroy tang duha didto sa Plaza Independensia

Pwerte natong lingawa
Kay paborito ni natong datetanang duha
Nanglingkod ta
Atong paborito natong lingkoranan
Dungan sa paghikap mo sa buhok kong pinugngan
Ug dayong halok niini.

Daw langit ang akong gibati niadtong higayuna
Lupig pa nato ang mga artista sa salida
Kapait lang
Kay pariha tang walay mga kwarta
Hahaha~haha
Lami kaayong ikatawa
Apan bisan pa
Wala nahimong babag kining hitabu-a
Sa kalipay tang duha.

Ug mikuot ka sa imong bulsa
Pwerte nimong lipaya
Kay diha kay singkong imong nakita
Diin niadtong higayuna

Miagi pod ang imong amigong

Sa popcorn namaligya.

Ingon diay niini ang mahigugma
Dili balihon ang pagka walay kwarta
Ug niadtong higayuna
Nakita nako ang hulagway natong duha.

Sama ako sa panganod
Nga sa hangin gidala-dala
Kagaan sa akong gibati
Buot kong musinggit sa tibuok kalibutan
Ug ipabati:
"Nakita kuna ang tawo nga gusto kong ika-uban
Sa tibuok kong kinabuhi
Gusto nako siyang kuyugan."

Milabay ang pipila ka oras
Nga ato nang nakalimtan
Nahurot ang popcorn
Nga gihinay-hinayan nato pagkaon.

Ala-una sa lawon nga kagab-hion,
Midisiyon tang mupa-uli
Kay gusto ko nang mupahulay
Sa boarding house nga atong gipili.

Naghinay-hinay ta ug panglakaw
Atong gibaybay ang dalan sa Santo Nino,
San Jose, sa Carbon ug liko padong dalan Climaco
Ang nahimutangan sa boarding house nako.

Ug sa kalit lang mibunok ang ulan
Kitang duha nanagan
Sama sa pahinumdom sa nescafe
Ako imong gigunitan
Ug nagbabay sa matagdaplin sa dalan.

Ang katugnaw niadtong higayuna
Maoy wala ko batia
Ang ulan nga ni dapat sa akong basa na sinina
Migitik kanako sa niandtong higayuna
Sa wala hisabti kong pagmaya.

Ikaw ug ako batok sa ulan
Gihagkan mo ako, gigakos ug gitagbaw
Diha-diha dayon ang akong katugnaw nahanaw
Ingon ba diay niini ang ulan?
Nganong mahadlok man ang uban?

Ulan, ulan, ulan
Dako nakong kalipay sa ulan
Iya kong gitagaan sa tawo nga wala ko gipasagdan
Salamat nimo ulan
Tungod nimo kami karon nanag-uban

Ug sa dili madugay
Usahon kami sa gugma
Gugma nga nagsugod didto sa Plaza Independensia.

Ang Akong Gugma

Gugma na gyod kini
Gugma nga akong gibati
Dili man lisod sa akong pamati
Apan kung puy-an
Mahimo ang tanang dikarte.

Kaniadto kupa gidamgo
Ang tawo nga sama kanimo
Dili ka sama sa ubang tawo
Apan usa ka gihapon ka ordinaryo.

Akong dughan mukuba
Sa kada higayong ikaw makita
Daw sa langit ang bation
Sa matag halok nga akong maangkon.

Ingon na gyod tingale niini
Ang babaye nga mubati
Ang oras hikalimtan
Nga bisa sa tungang gabii
Ikaw gikauban.

Dili man buot nag kadaghanan
Apan ako kining batukan
Ug gani buot nga pakamatyan
Matuman lang ang tanan.

Daghang salamat sa gugma
Akong kining bawnon
Hangtod sa kong kamatayon
Ug akong ipakita
Nga sa kanunay ako malipayon.

Nahabiling Mga Adlaw

Adunay pipila ka adlaw nga nahabilin
Mga adlaw nga sa akong pagkadaga kabahin
Buot ko kining poy-an ug panaminan
Ug sa walay pagduha-duha akong biyaan.

Dili nalang magnapulo ka adlaw
Ako imo nang higtan ug kuhaan,
Sa akong halangdong kagawasan
Buot ko mang batukan
Tingale ulahi na ang tanan.

Sa nahabiling kong mga takna
Akong ihatag ang tanan kong mga gutlo
Sa akong pagmaya.
Mga higayong akong idugang
Sa mga mabungahon kong mga takna.

Pagminyo...
Usa sa mga sulondong buhat sa tawo
Usa ka timaan nga ang tawo dili isla
Hinunua nanagtambayayong sa gugma.

Buot ko kining isulod sa akong sestima.
Kabahin sa akong pagpanimpalad niining kinabuhia
Ug panghinaot dili sayop ang pagdawat nako niya
Diha sa ganghaan sa usa ka pamilya.