Adunay pipila ka adlaw nga nahabilin
Mga adlaw nga sa akong pagkadaga kabahin
Buot ko kining poy-an ug panaminan
Ug sa walay pagduha-duha akong biyaan.
Dili nalang magnapulo ka adlaw
Ako imo nang higtan ug kuhaan,
Sa akong halangdong kagawasan
Buot ko mang batukan
Tingale ulahi na ang tanan.
Sa nahabiling kong mga takna
Akong ihatag ang tanan kong mga gutlo
Sa akong pagmaya.
Mga higayong akong idugang
Sa mga mabungahon kong mga takna.
Pagminyo...
Usa sa mga sulondong buhat sa tawo
Usa ka timaan nga ang tawo dili isla
Hinunua nanagtambayayong sa gugma.
Buot ko kining isulod sa akong sestima.
Kabahin sa akong pagpanimpalad niining kinabuhia
Ug panghinaot dili sayop ang pagdawat nako niya
Diha sa ganghaan sa usa ka pamilya.
