Isaad ko

isaad kanimo
nga bisan itumod ako
sa pagkahiluna

ako gihapong sulaton
ang panagway nga
maambong

ako gihapong paklion
panid sa kagahapon
nga gisaw-an

ubos nianang bulan
nga nanamilit, mikawas
sa tin-aw nga lawa

nga gilanguyan
ikaw gihapon akong
himuong orasan,

akong ablihon
sa matag karon ug unya
dili saypon

adto na ako
gitawag na ko sa akong
pagkahiluna,

pagkatulog sa iyang bukton
ug bisan among saw-an
ang kalipay,

sa gihapon lakbiton
tan-awon didto sa
gamayng kahon
sa kagahapon

idto dili mahimong abuhon,
didto dili muabot kanato
ang atong katigulangon

isaad ko kana kanimo.

my ode of goodbye

I'll get married soon
to the man that's true to me,
very soon that I could no longer
stop it, so i have to say goodbye
to those who showed me love and affection
in their own little ways,
they are precious to me.
I'll treasure them
in the box of my memory
and there they won't fade away
they won't be rotten by old
and wish you are too.
I'll pray for you.

You will survive

who is she that cause you pain?
I'm sure that person is not worthy of your
love and true affection,
and sure you won't die
for sure you will survive for her
or whoever is the person that caused
you grief, I'm sure...
you're strong,
you're brave that has been proven
by the war that you've come across
last century ago...
you'll surely will today.

Yes you are wonderful

life isn't that simple my friend
i know life couldn't break us...
whether we want to be alone
or with someone, that I think
is because there is a reason
a far more important reason
than recieving
an affection coming from
a wonderful person like you...
yes you are,
and the person that you talked about
probably knows that, you are.

Tan-awa

tan-awa kining akong agtang
ang langit nga inyong giduwaan
gikamrasan sa init sa adlaw
nga karon nisamot na ug pangisog,
nganong ingon na ini atong palibot
dili lang kini aghat sa dakong kagubot
ugma damlag usa kini ka dakong
bul-og sa unos nga mahimong mubanlas
sa tanang way puamod
nga mga mapahimuslanon
silang atong tawgon haron ihulip
ang ilang kalag ug dugo nga ilang kinuha
sa matuod nga gadumala.
ning kanhi paraiso nga ato unta
karon usa na ka timawa
nahawan ang tanang mga himaya

Kinsa siya nga magtutudlo niining tunghaan

kinsa siya nga gitugahan sa ingon?
kinsa siya nga nagkwentas sa bulawan
nga bituon?
siya nga magtutudlo ug maoy mupatigayon
ning tunghaan
alang sa mga nangita sa ilang mga metaporya
ug sa pagsukod sa kada metro sa linya
siga iyang mata haron paglantaw, tuki sa kada linya
sa mga pulong nga gihan-ay sa usa ka magbabalak
nga nagsugod paglakaw, kat-kat nianang bungtod
nga habog alang sa usa ka buot mukuyog
sa talagsaong tuga sa kahitas-an,
kinsa siya?

Ang katapusang hunat

mao na kini ang atong hunat
kini na nagkatapusan
ato na kining puslan
dili na kita mangita pa ug laing panahon
mao na ni ang insaktong
takna sa atong paglupad sa himaya
atong ikuyog ang atong mga plano
hasta sad ang atong mga tinguhang maayo
ug didto atong pormahon ang mga
gagmayng mga liso sa pagtoo
ug pagsalig, saligi ako
dili ako muadto sa kalayo
ug bisan sa kalayo
ikaw giahapon ang iuban ko
mao na kini ang katapusang
hunat nato.

Ipasalig ko

Ipasalig ko kanimo
dili ko himuong lisod ang dalan
akong tadlason ang atong batuong
agianan, dili igsapayang
mukumpayot ang mga amorsiko
nga masina unya sa atong mga
sidsid sa bagbati
ato kining tabangan ug hagpat
uban kanako, ipasalig ko
dili ko tugtang maka daug-daug
kanato ang mga umang nga
muhinay-hinay unya pagkaon
sa atong tinanom nga kalipay,
ipasalig ko muuban ako nimo
bisan ang baka sa atong pag-alima
ila pang angkunon
dili ko kana igsapayan
ila na kana
basta ania ka lang
sa akong kiliran.

Ubanan ko ikaw sa akong pangandoy

Ang akong pangandoy
mao ang kalinaw
wala ko kinahanglana
ang mga gilak sa pilak
ang kasulaw nianang bulawan
nga anaa karon sa imong agtang
nga daw sa hari nga gipurong-purongan
dili kana.

Ang akong pangandoy
mao lang ang ikaw maka-uban
didto sa huyuhoy sa hangin
sa bungtod nga atong gipuy-an
didto atong pakanaugon
ang lagda sa gugma, ug ang mga
lista sa atong mga utang nga adlaw
nga nanaglayo kitang duha
didto atong ipunon ang atong katawa,
mulupad kita ibabaw sa langit
atong ibayaw, ang atong kaugalingon
sa atong mga awit ug kamaya
bisan sa atong kawala,
dili nato kana igsapayan
ubanan ko ikaw.

Kanunay kang muingon kanako

kanunay kang muingon kanako nga
ako lang ang imo, ug wala nay lain
muingon ka ngadili lang ko mahanaw
ug maadto sa lain, imong buhaton
bisan ang pagdakop pa sa hangin
nga imposibling mahimo.

kanunay kang muingon kanako nga
kung ikaw lang ang akong pilion
dili mo igsapayang mag-antos
mahimong karaan ug puy-an
ang payag sa buntog bahalag
tulo kini sa ulan imo kining antuson
ako lang ang imong ika-uban.

kanunay kang muingon kanako nga
kung ikaw lang ang akong pakaslan
bahala'g tanan nimong igsuon, ikaw talikdan
dili kana nimo igsapayan, buhaton mo ang tanan
ingon ka ana ka gugmaan,
ayaw kabalak-i matuman kanang tanang
imong pangandoy nga ikaw akong uban
imo kanang madawat karong
andam na ako nga ikaw
ang akong puy-an.

Ang panaw

Asa ka pangion adto ako
ayaw ako biyai kay mukuyog ako
ayaw ako ug talikdi ikamatay ko kini
naa kanimo ang akong kinabuhi
ug ang kainit nga nagbuhi sa akong dugo
sa katugnaw sa mabugnawng pagtagad
sa akong mga higala, ug igsuon
sila nga wala na kanako muila
sila nga wala na magtagad kanako
sila nga gisalikway ko na
ug kalimtan sa akong pagbiya
uban kanimo.

Andam ako,
andam sa tanang pagtulisok
bisan pa ug isugba ako sa kalayo
ikalipay ko kini, ikaw lang ang kauban ko
maong ayaw ako biyai
iuban ako, ibutang diha sa imong tiilan
bahalag himuon mong tandayan
o kaha imong patid patiran
mukuyog ako
muuban bisan asa man ipadpad
sa imo unyang kapalaran
kay gakson ko kini
sa tibuok kong kinabuhi.

Ang manulunda

Naglingkod ako'g naghulat,
Ang anghel ba naghinuktok
sa akong kapalaran?
Ug nakahibalo ba sila
sa lugar kung asa kita padulong?
Sa panahon nga kita
usa na ka abuhon ug may pangidaron

kay adunay nag-ingon kanako
tungod sa kaluwasan muabli ang ilang mga pako
maong sa panahon
naghigda ako sa akong katre
samtang nagdagan
ang akong huna-huna sa akong ulo
ug mabati nga gugma patay na
nahigugma ako sa manulunda hinunua.

Bisan sa tanan
iyang gihatag kanako
ang tanang pagbantay
ang daghang gugma ug pag-alima
bisan sa akong sakto ug sayop
ug didto ubos sa talampas
bisag asa niya ako dad-on
nasayod akong ang kinabuhi
dili makabali kanako
ug kung mutawag ako
dili niya ako saypon
nahigugma ako sa manulunda hinunua.

Sa akong pagkaluya
ug ang kasakit naglakaw sa akong dalan
nilantaw ako sa itaas
nasayod ako
kanunay akong buligan sa akong gugma
ug ang pagbati misamot
sa pagginhawa niya ug unod
ngadto sa akong mga bukog
ug niadtong namatay ang gugma
nahigugma ako sa manulunda hinunua.

(hubad sa awit ni Robbie Williams)

Ang akong pangaliya

adios
imo kanang kalipay,
mag-uban kanimo
ang akong mga pangaliya,
pagtugot ug akong gugma.

Trek to the heart of the high Atlas

Sip green mint tea with me,
and dance our traditional dances.
We'll climb the tip of my mountain.
Let's have adventure travel
in the middle of my nightmare
and spend the nights
in the traditional stone,
wood and mud houses
of Berber villages.

Sa ilang pagkabuhi sa imong salabutan

(hubad gikad sa balak ni C.P. Cavafy)

hawiri sila, balakero,
silang nga mga ulagon mong panglantaw,
apan ang uban kanila pweding imong ipabilin.
Imong ibutang, tagu-i, luyo sa imong mga linya.
kupti sila, balakero,
sa ilang pagkabuhi sa imong salabutan
sa gabii man o sa kahayag sa kaudtuhon.

Bisan sa usa ka bulawan

niadtong usa ka gabii
nga naghigda ta sa atong katre
padulong matulog
ug mupahuway,
tapuson ang adlaw
ug labang
nasad sa laing adlaw

wala ako makalimot
sa imong giingon kanako
nga pasagdahan
kong higugmaon mo ako
wala mo kinahanglana
ang akong tugbang
dayon hilak, padagayday sa
imong mga luha nga mahait
dayon taroy sa akong kasing-kasing
nga nagdugo sa tumang kasakit

matuod ako kanimo
mao kana ang tubag ko
ug karon usbon ko
ayaw kana kalimti
dili ko ikaw ilisan
bisan pa sa usa ka bulawan.

Pagmata

bangon ug pukwata kanang imong mga mata
igo na ang paghikatulog,
igo na ang pagdamgo
diri na sulod sa imong reyalidad
diin ania ang matuod nga bulak, hangin, adlaw,
buwan, ulan ug ang lunhaw nga kadagatan,
dinhi atong matuod nga saw-an
ang kalipay ug gugma
nga matuod ug walay sukod
sa bisan unsang sukaranan.

Siya ang akong adlaw ug hangin

gihiguma ko si Inting
nga usa lang ka mag-uuma
anaa na kaniya ang tanan
ang tanan nga akong gikinahanglan
ug wala nay nakakulang pa
kay siya ang kainit sa mga adlaw
nga maoy nagpalunhaw sa akong mga dahon
ug anaa na usab kaniya ang hangin
nga nahimo kong gininhawa
sa akong matag karon ug unya
siya ang matuod kong hinigugma
ug wala nay lain
siya nga akong gisimba
ug simbahon hangtod sa akong kamatayon.

Ang imong pahiyom

Kanindot sa imong pahiyom
gibayaw ang akong kasing-kasing
ug ang imong mga mata
sama sa nagkidlap-kidlap
nga mga kabituonan
aduna kiniy kahayag
nga iya lamang
nga nahimo nakong iwag
sa akong padulngan.

Ang pagdamgo

when lips and skin remember
and hands feel as though they touch again
C.P. Cavafy

nakalimtan ko na unta
ang mupukwat sa akong mga mata,
giduka ako ug
gikapoy ganiha sa kadaghan
sa akong gimemorya:
ang mga tawo nga nangagi
sa akong atubangan,
ang ilang mga bistida,
ang sapatos,
ang kolor sa ilang pitaka
hasta sad ang ilang mga hitsora
akong naapil ug memorya
silang tanan
gawas kanimo nga wala ako kaila
maong nahikurat ako
karon sa imong pagpukaw kanako
natulog naunta ako
ug gustong mahinanok sa akong katulugon
apan miabot ka'g misiging,
miyugyog sa akong kasing-kasing
nga nag hangos
tungod nawad-an na hangin,
naglagot ako ug nagutana,
"kinsa kaba wala ko maka-ila kanimo?
nganong ania ka
dili ka apil sa akong gimemorya?"
ug mitubag ka sa tingog mong kalmado,
"ako mao ang imong damgo,
nakalimot ka naba kanako?"
ug tuod man nahinumdom ako,
ikaw kadtong akong naila-ila kagabii
nga mihapuhap sa akong mga dughan
nga nakutasan
sa sobrang pagbakho
ug karon nahinumdom ako
sa imong mga kamot ug hapuhap
nga ganina misiging
ug mipukaw kanako.

Ang mahika sa gugma

"all were suddenly made beautiful
By the spell of love:
there was nothing ugly left there"
by C.P. Cavafy

Bisan sa kangil-ad sa nawong sa kangitngit
mahimo kining maanindot,
mahayag nga dapit
sa duha ka nilalang nga nikalayo
sa gugma nilang gisaw-an,

matuod nga ang gugma sama nianang
Photo Magic nga bisan ang lubak-lubakon dalan
mahimong patag pina-agi niini
sama'g salamangka o mahika
nga tanan mipamatuod
sigon sa ilang pagsubay sa ilang
sugilanong
mugna sa gugmang matuod.

Ang bul-og

I didn't restrain myself.
I gave in completely and went.
by C.P. Cavafy

Wala ko kahawid sa akong kaugalingon
ako kining gipasagdahan
ug mipa-undayon pagpaanod
sa bul-og sa akong sugalinong
naagni nianang imong paraiso
nga napuno sa daghang mga bulak,
nagkadaiyang mga kolor
sama'g usa ka langit
nga ania sa yuta
mituyok ang akong palibot
diha nianang nataran mong
puno sa himaya
bisan ang akong kasakit dili ko na makita
ako kining gigakos sa tumang kamaya
ug wala nagmahay bisan gutling sa
usa ka takna.

Ang tsinelas nga napugto

Kung ikaw ang akong sinilas
unya naputol, napugto tungod
sa pagkadagma unya napandol
didto niadtong batuon nga agianan
sa bungtod nga atong padulngan,
ipasalig ko kanimo, dili ko ikaw ilisan,
dili ko ikaw ilabay.

apan tang-tangon ko ikaw
sa akong mga tiil dayon
tahion sa tangse sa akong pasensya
ug sa matuod kong pagbati
haron bisan ang guba nga sinilas
nga mao ikaw
ako gihapong masul-ob pagbalik
ug magamit
kay ikaw ug ikaw lang ang muhaom
ning akong pobreng mga tiil.

Higugmaon ko ikaw

higugmaon ko ikaw
hangtod sa imong katapusan,
ikaw ang akong mahalon
hangtod sa akong pagkapukan,
ikaw ang akong mahimong sugilanon
sa mga katawa sa akong
mga adlaw ug bulan
ug ang mahimong mga awit sa akong
pagpakiglambigit sa mga bulak
dinha sa imong nataran
ako silang mahalon
bisan sa akong katigulangon.

Baliki Ako

Come back often and take hold of me
by C.P. Cavafy

dawata ako,
balika,
ug tunla sa imong maloloy-ong gugma
mag-awit ako sa akong mga bakho
samtang nagpa-abot kanimo,
kanimo ako nahimong malipayon
kanimo ko itugyanang akong pagkamasulob-on
luyo niining pahiyom
nga ania sa akong mga ngabil karon
balika ang tam-is kong mga halok
nga alang lang kanimo
akong pinalanggang inahan.

Ang matuod kong damgo.

Wala ako mangandoyng magakos ka
sa akong mga kamot
wala ko isipang angkunon ka
sa akong pag-inusara
dili kana mao ang akong damgo
usa lang ang akong gusto
ug kana ang matuod
ang matuod nga nahigugma ako kanimo
matuod luyo sa akong mga bakak
ug pagka dakong bakakon
itug-an ko kanimo
nga mao kana ang akong matuod nga damgo.

Ang mas importante

Gihigugma taka
dili na ako maglangay
dili na ako magdaghan pagsulti
kay wala gihapon kanay bili
gihigugma taka
kana ang mas importante
nan karon imo naba ang kalipay?

Didto sa atong kamatayon

adto ko ikaw paabuton sa atong kamatayon
didto niadtong atong pagsalom sa matuod nga kahilom
didto atong madungog ang matuod
nga singgit sa atong mga paglaon
didto nga kita unya muhigda sa atong katapusang tanghaga
nga anaa sa matuod nga kangitngit ug kahayag sa pagtuo
sa kinabuhi nga ato unyang puy-an hangtod sa kahangturan.

Gugmang kawatan

Gugma, Oh Gugma
hunusi ako sa kong kinabuhi
gusto ko nang mamatay
haron makita ang akong hinigugma
nga tua didto nagpaabot kanako
sa akong kamatayon
didto kami mahimong takos
didto nga walay si bisan hangin
nga manghilabot sa among
paglunang ug sa ingon puy-an
ang among gugmang kawatan.

Didto sa atong kangit-ngit

Ambot ug nganong mahigugma ang tawo?
ug dili mapili ang iyang higugmaon
sama karon dinhi sa atong gamayng bungtod
sa pakigsandurot
sa atong mga tagsa-tagsa ka sugilanon ug
mga gagmayng kabilinggan
mitumaw ang usa ka lusok sa paghigugma
sa usa ka wala tuyuang panahon
bisan sa mga babag nga sugilanon
alang sa iyang katumanan
nga wala sa iyang katagbawan
apan mipailob tungod sa paghigugmang tim-os.

Apan unsa man ka matuod ang gugma
nga gitisok sa dughan sa duha ka binuhat
nga sama'g ikaw ug ako wala mamalibad kini
samang balibad nga dili ato ang higayon
maong paabuta kini basin
maabot didto sa atong kamatayon
didto sa wanang nga walay si bisan kinsang
mugunit ug mupuyo tungod sa iyang kangit-ngit
nan ako ug ikaw,
didto wala'y sayop sa atong pagpakabuang
ug bisan sa paglunang dili sila mubabag niana.

Taking chances

Life seems sad but happy at times
you pushed me to learn more about it
yet learned I'm still a fool
to start a happy moments
in my poor, little creation.

But, I will still take the chances to rhyme
my life with the poems
and measure it
though, it's impossible
to rhyme the pains and misfortunes
I undergo
you wouldn't understand, I know
I don't care but still take the chance.

I will still be a star
if you are there with me to stare
at the lights of my little funny questions,
comments and worthless poems
I tried to make
and will make for you my dear friend.
That I will promise.

At Bali Cafe Cappucino

At long last
we mixed ourselves
to its impossible outcome.

You're the tea of a
classy, formal function
that rejuvenates life and love
to its multiple disfunction.

Here I am
a milk of a poor cow
in a field whose life
is stock in its barn of grief.

Now mixed together
as green latte,
at Bali Cafe Cappucino.

And a cup of you and me
is like love of a many splendored thing
that bubbles and foams
as we stir our life up
in mine and your cup of life,

This makes a good combination
that made me savor
till to its last drop of exquisite flavor.

Katungod

Nganong mutubag ka kanako?
Nganong tumanon mo ang akong mga hangyo?

Wala mo ako gapusa sa imong
katungod diri kanako
Ug labawng wala tika prisuha
sa akong mga katungod kay
wala kitay katungod
nga gihuptan sa usag-usa.

Miingon pa gani ang imong apuhan
nga tua na sa laing kalibutan
Pasagdahan ka nalang
ug dili nalang kabalak-an
Paundayunan sa imong mga
nagsingabot nga bul-og sa kapalaran.
Sakto ang imong apuhan
maong abli na ang akong pultahan
padayon, lakaw, pangitaa
ang makalipay kanimo.

Ayaw pabilin dinhi niining
akong gamayng katungod kanimo,
Ug labawng ayaw ibilin dinhi
kanang imong katungod kanako
Dili ko kana bantayan
imuha na kana
Kan-a, hutda,
ayaw na panalin
ug panghatag pa niana
kay ania sab akoy rasyon
nga angayan sa akong pagkatimawa.

katawa

kataw-i ako,
wala ko kana ikabalaka
kataw-i,
mao kana ang imuha
ang katawa mao ang imong kalipay
unsa pabay ako-a?
nganong mabalaka?
hala! sige katawa pa.

Ang gahom nga gipanamkon

didto niadtong paraiso
ako naligo sa imong alimyon
dili kini baho
ako kanang ipamatuod sa tanan
wala ako mitago
ug labawng wala ako mahadlok
kay ang kahadlok nga giingon mo
usa lamang kana ka sugilanon
dili kana ang matuod nga gahom
nga akong gipanamkon.

Ang ice cream

mitunol ka nako ug ice cream
rocky road ang flavor miingon ka
gasa nimo kadto sa akong
adlaw nga natawhan

apan ang ice cream nimo nga giingon
usa lang ka hulagway ug pulong
maong wala ko malipay
dili kini igo
unsaon ko paglipay ang akong kaugalingon
sa katam-is niini?
ug unsaon ko pagtilap,
tam-os sa matag kutsarita,
kung kini usa lang ka hulagway?

Dili kini ang akong panangandoy.

dili kini sama sa akong nadawat gikan kaniya
nga akong matuod nga hinigugma
ice cream nga matuod,
ang selecta nga chocolate flavor

ang ice cream nga gaaso-aso pa
gikan sa iyang lawak taguanan
ang ice cream nga nahimo nakong pamahaw,
paniudto, ug panihapon
sa akong adlawng natawhan,

ug karon akong gitam-usan
niining sayong kabuntagon.
ang katam-is sa
matag kutsarita
sa maong ice cream,
maoy nahimong matuod nakong kalipay
nga nganay-kanay sa akong
halapad nga kasing-kasing.

Ang binuhat ug ang iyang binuhatan

didto sa matuod kung langit
akong gigakos ang akong matuod nga hinigugma
dili siya mao ang pulong
siya ang buhat
siya ang binuhat.

nasayop man apan wala kini
mahimong babag haron
balikon pagdawat ang usa ka
matuod nga buhat ug dili lang pulong.

kay ang pulong nga walay buhat
sama kana sa patayng lawas
nga walay mipuyong kalag
apan kining buhat nga binuhat
alang kanako, adunay kalag
kalag ug lawas nga matuod
ug siya ang ako
dili kanang pulong nga wala sa buhat
nga imo.

Sa akong pagbalik

sa akong pag-inusara
mitunga ka ug mipahiyom
dungan sa dagayday sa imong mga luha
ug miingon,

"dugay ko na ikawng gipaabot,
gimingaw ako ug nasakit
kay gitalikdan mo ako
ug ang akong mga sampinit"

ug didto niadtong akong pagbalik
giluka ko ang akong mga kasakit
giinom ko ang akong kauhaw
dayon tisok sa bag-ong saha sa
gugma mong matuod nga gapa-abot
hangtod sa hangtod

wala ako mangita ug laing hinigugma
ikaw ug ikaw gihapon ang tag-iya kanako
ug kining punuan nga atong gitanom
bubu-i kini haron mutubo
mulambo ug dili na pahimudsan
sa mga way kasing-kasing nga ulod.

Imo na ako

ang akong kalag ug lawas ania na
dawata ako niining imong paraiso
dinhi himua akong ulipon
sapnaya ako sa imong mga dahon
lumsi ako sa imong mga yamog
kay himuon kung higala ang mga aninipot
haron mahimong iwag sa imong kangitngit
ug ang ulod nga giingon mo
gakson ko sa tumang kahugot
imo na ako, ulipon sa imong paraiso