Tan-awa

tan-awa kining akong agtang
ang langit nga inyong giduwaan
gikamrasan sa init sa adlaw
nga karon nisamot na ug pangisog,
nganong ingon na ini atong palibot
dili lang kini aghat sa dakong kagubot
ugma damlag usa kini ka dakong
bul-og sa unos nga mahimong mubanlas
sa tanang way puamod
nga mga mapahimuslanon
silang atong tawgon haron ihulip
ang ilang kalag ug dugo nga ilang kinuha
sa matuod nga gadumala.
ning kanhi paraiso nga ato unta
karon usa na ka timawa
nahawan ang tanang mga himaya