Matag karon ug unya
Gibaid nimo
Ang imong sanggot
Gusto nimong pirming hait
Kay sa ubod sa saging imo kining ialip.
Kalipay nimo
Ang kahayahay sa mataghandos ug bira
Sa sangot mong pwerting haita.
Apan sa gusto nimong madali
Paghandos mong daw kilat sakadali.
Ug sa kalit ka niagunto
Sa kasakit ikaw miagulo
Niluko sa paghulbot nimo
Sa sangot nga sa balani gialip mo
Nasayop ka
Nasayop ka
Imong natigbas imong kumingking sa wala
Nga diryot maputol ug nalaknit pa
Kay naabis
Sa sanggot nimong pwerting haita.
