ang gagmayng kamatayon

sa matag ingon ko kanimo
nga mulakaw ako palayo
mamatay ikaw bisag gamay
nakita ang imong kaguol diha
nangumbitay sa imong mga aping
may kasagmuyo sa dili mo buot mahitabo
sama lang karong adlawa wala ka mutingog
kanako sa akong pag-ingon kanimo
nga muadto ako sa Mindanao
usa ka semana mu-attend sa kasal
sa akong suod nga higala sa Surigao
nga si Blanche ug Jodi nga gikan pa sa Dubai
dia lang gyud sila haron kuhaon akong emcee
miapil kanimo paghangyo apan
sa walay paghinuktok namalibad ka
dili ka musugot. dili mo ako gustong mahilayo
kay ikamatay mo kung kana ang mahitabo.