Kinsa ba?

kinsa ba ang wala magtakuban?
kinsa ba ang wala magbangutan
sa ilang mga ginagmayng kapakyasan?

kinsa ba sila nga mutudlo kanako?
kinsa ba sila nga muingon nga hinlo
ang ilang gipuy-ang lunangan?

igo na ang pagpakaaron
aduna napud ako'y igong pangidaron
dili na ako batan-on

ug sayod ako nianang inyong gipang-ingon
paagi lang kana ug bisan ibutang tang
nagmalampuson ka dinha

mahimong ako dili.