sa akong pagsalom sa kamingaw

pila na usab ka adlaw
nga gisalom ko ang kamingaw
nagpakahilom, nagtuk-ong
sa akong kaugalingong pagtuo

wala manumbaling sa imong
mga pasaring nga pulong
dili ko buot ang makiglambigit
sa mga sampinit nga

musulay kanako pagtuki
sa gibati sa akong dughan

karon gigutom ako sa imong
mga hapyod sa akong mga panit
pagkutaw sa akong mga utok
sa mga pulong mong gustong ipaabot.