Sugyot sa kagutom
Tilawan ko ang kagahapon
Kadtong atong panagdulog
Na ang kalami natagam-tam ko pa gihapon.
Buot ko'ng laing putahi
Tinagsip sa udlot sa kawayan
Linubiang langit sa kahidlaw
Nga naglaway-laway pa ang sabaw
Sa ispiso nga timpla
Nilaputay daw laway
Kaluod wa ko batia
Gumikan sa kahalang gikan sa luy-ang
Bag-ong inibot gikan sa uma.
Lalag sa sabaw
Sarang makatagbaw.
