Ang akong lawak

Sama'g usa ka lawak
ako ang lawak nga responsabli
andam musapupo, mudawat sa gustong mudayon
dili igsapayan ang bisan unsa ug kinsa
kay ako ang responsabling lawak
ako mao ako ug dili sama kanimo

Dili man adunahan ang akong lawak
ug samang dili man kini dinayandayanan
ang akong lawak may katre kining kawayan
ginama para kahigdaan sa bisan kinsang mudayon niini
Adunay lamesa nga kakan-an sa mga midayong gigutom
adunay duha ka bangko ug usa ka bangkito
gama sa kamot sa tawo
ug para sa tawong adunay gugma sa pagdawat sa maong lawak
yano kini, dili espisyal
apan mapagarbuhon
samang ikaw sa ingon mong lawak.