Didto niadtong habog nga lubi
mikat-kat ang akong Inting
buot muinom ug butong
niadtong mainit nga kaudtuhon.
Buot mangandam sa nagsingabot
nga layog sa lalom nga kagabhion.
hadlok mahubsan,
mawad-an sa kusog
sa iyang pagsawom sa iyng kahidlaw
nga wala diha sa naglakawng mga adlaw.
Dili na gustong dili matagbaw
Iyang suhiron ang tibuok kalibutan,
languyon ang taliwala sa kalawran.
Nagdilaab nga kainit
iyang subhan
sa iyang himayang gipangandaman.
Lupad sa langit
nga daw antuwanga
ang kapula,
Si Inting mipahiyom
sa ibabaw sa bungtod
diin nahimutang ang lubing habog.
Ang nasadyang huna-huna
kaniya misaad
sa himayang usbon.
Ugma nasad.
