ang cactus nga akong gitutukan

bililhon ikaw
sa akong pagtubo
dinhi sa natad sa pamalak
ikaw ang bulak
nga kanunay
nakong gitutukan
ikaw ang bulak
nianang cactus
nga tunukon
bisan wala mabubui,
mabisi-bisi sa ulan
nga gadumili
kay dili siya buot musaksi
sa imong pagkadugta,
malumos sa iyang mga luha
diha sa imong gibarugan
nga balason.
migamot ikaw
maong ako mipadayon ug lantaw
sa imong mga bulak
nga daw sa mga prinsesa,
rayna nga gabatog sa imong agtang
hangtod nalang diha
dili nako muhimo ug lain
pang lakang.