gusto

ning akong sayong kabuntagon
nga wala pa ang akong kagustuhon
nga mubangon ug magkuri-kuri
sa mga angayang buhaton

gusto pa nakong magpa-uraray
gusto pa ko anang iyang hapuhap
gusto pa ko anang kaniya mutapad-tapad
iunlan ang iyang bukton nga lig-on

iumod ang akong nawong diha
sa iyang mga tanghaga ug gugmang
idalit niya sa matag-alaw nga may kainit
may kapilit ug nga mudikit diha sa akong
mga panit.