higugmaa pag-usab

ang gugma usa ka laraw
sa umaabot nga pailob sa matag
hagit sa kapakyas nga nag-alirong diha
sa nataran nga abli kanunay sa pagsabot,
naghay-ad nga sukaranan,
gapakita sa iyang matuod nga bulok
sa gugmang walay gikubli sayod ikaw niana,
ug sa matagtulok sa akong pag-antos gumikan kanimo
ug sa hagit sa paghigugma nga walay
laing gihuptan gawas sa pagtuong
higugmaon mo pag-usab
sa lain na sa'ng mga gutlo.