Mikayab ang akong langit sa imong
pag-ingon gihigugma mo ako sa akong mga bakak
ug labawng gihigugma taka kay ikaw ang hinungdan
niining akong pagkabakakon.
Dili igsipayang maglutaw sa hangin
kining pagbating akong gihambin,
kini akong ibitay samag usa ka lukay
nianang lubing mabungahon,
lukay nga walay bili sa punuan niini,
apan hangyuon ko ikaw
ayaw ug silabi
kay ang lubing wa magkinahanglan niini
mahimong maugdaw kung makalayo na kini.
